Sjølvbetjening og tilgang til biblioteket med lånekort

Alle lånarar over 18 år kan få tilgang til biblioteket med lånekort når det er ubetjent. Kom innom biblioteket, så hjelper me deg til å få tilgang til sjølvbetjent bibliotek. 

Har du fått tilgang til biblioteket med lånekort og PIN-kode, kan du nytta både hovudbiblioteket og Nysæter filial når ubetjent. 

For å kunne bruka biblioteket når det er ubetjent, må du snakka med personalet i skranken for å få tilgang. Samstundes får du ei PIN-kode til bruk ved dørlåsen. Hugs å ta med lånekortet anten fysisk eller på Bibliofil-appen.

Når biblioteket er ubetjent må du bruka dei sjølvbetjente utlån- og innleveringsautomatane. Tinga media hentar du i hentehylla.